Ymgeisiwch nawr ar gyfer Gwobrau Cynaliadwyedd Cymru

Yn 2019 cyhoeddodd Llywodraeth Cymru argyfwng hinsawdd ar gyfer Cymru i helpu i sbarduno mwy o ffocws a mwy o weithredu i gwrdd â’r heriau a ddaw yn sgil yr argyfwng hinsawdd.

Yng Nghymru, mae gennym darged sy’n gyfreithiol rwymol i gyrraedd y nod o allyriadau sero-net erbyn 2050, ochr yn ochr ag uchelgais i’r sector cyhoeddus yng Nghymru fod yn sero net ar y cyd erbyn 2030.

Yn 2018/19 amcangyfrifwyd bod Ôl Troed Carbon GIG Cymru yn 1,001,378 tCO2e, a bod yr ‘allyriadau iechyd’ hyn tua 2.6% o gyfanswm allyriadau Cymru.

Nododd arolwg panel Dewch i Drafod Iechyd y Cyhoedd a gynhaliwyd yn ddiweddar gan Iechyd Cyhoeddus Cymru:

• Bod 81% o bobl yn bryderus (40% yn bryderus iawn) am newid hinsawdd
• Bod 72% o bobl yn cytuno (21% yn cytuno’n gryf) mai eu cyfrifoldeb nhw yw gwneud rhywbeth am newid hinsawdd.

Felly, er bod Rhaglen Genedlaethol Argyfwng Hinsawdd Iechyd a Gofal Cymdeithasol Llywodraeth Cymru wedi’i sefydlu i alluogi’r arweinyddiaeth a’r cydweithredu sydd eu hangen i ddarparu sector sero net sy’n gallu gwrthsefyll yr hinsawdd, cydnabyddir bod holl staff GIG Cymru yn y sefyllfa orau i ddylanwadu a chefnogi’r broses i ddarparu newid cynaliadwy. Gall profiad a chreadigrwydd staff GIG Cymru trwy eu dysgu a’u hymgysylltu rhwng cymheiriaid ysbrydoli, ysgogi a helpu i gyflawni gwelliannau cynaliadwy hanfodol sy’n ofynnol gan y sector iechyd i gyfrannu ar y cyd at uchelgais y sector cyhoeddus, a thargedau newid hinsawdd ehangach Cymru.

• Cynhelir Cynhadledd a Gwobrau Cynaliadwyedd GIG Cymru ar 29 Chwefror 2024 yng Ngwesty’r Vale, Caerdydd.

• Y Gynhadledd– Fe’ch gwahoddir i ‘Gofio’r Dyddiad’ ac ymuno â diwrnod ymdrochol o arddangosfeydd a phrif siaradwyr a fydd yn canolbwyntio ar ofal clinigol, mannau sy’n cynhyrchu llawer o garbon yn eich gwasanaeth a gwerth cynaliadwy.

• Y Gwobrau– Beth am gymryd rhan? Cyflwynwch brosiect cynaliadwyedd i un o’r naw categori gwobr cyn 31 Ionawr 2024 i gael y cyfle i ymuno â’r digwyddiad unigryw hwn.  Darllenwch arweiniad y digwyddiad a chofrestrwch eich cais yma!